Google ADS

Rivaldo këshillon Barcelonën: Mos e shisni Arthur Melo-n

12:46 | 3 Maj 2020
Arbresh Info

Legjenda e Barcelonës, Rivaldo ka kërkuar nga klubi i vjetër që të mos konsiderojnë mundësinë e shitjes së mesfushorit Arthur Melo.

Braziliani është i lidhur me kalimin në Seria A te Inter Milan, si pjesë e shkëmbimit me sulmuesin Lautaro Martinez, transmeton portali arbresh.info.

Mirëpo, Rivaldo ka këshilluar të mos e largojnë Arthur, i cili është pasuesi i Xavi-t.

“Ka raportime për shitje nga Barcelona, përfshihet edhe Arthur. Shpresoj se janë vetëm raportime”.

“Shpresoj që të qëndrojë edhe për shumë vite. Erdhi në klub si pasuesi i Xavi-t dhe nuk shoh ndonjë arsye pse të shitet”, deklaroi ai.

Arthur ka qenë në top formë të Barcelona, por këtë sezon nuk ka pasur fat shkaku i lëndimeve, andaj ka bërë vetëm 12 paraqitje në formacionin e parë./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm